Shqipëria ka shënuar një tjetër gol spektakolar ndaj Finlandës në stadiumin “Air Albania”, duke dyfishuar shifrat në 2-0 dhe duke hedhur një hap të rëndësishëm drejt fitores në këtë duel të Ligës së Kombeve.

Në minutën e 50-të të takimit, sulmuesi Rei Manaj ka finalizuar në mënyrën më të mirë të mundshme një aksion të rrjedhshëm, duke goditur saktë me kokë dhe duke kapur në befasi mbrojtjen dhe portierin kundërshtar, i cili vetëm sa ka mundësuar të vështrojë topin duke u ndalur në rrjetë.

Me këtë epërsi të dyfishtë, kuqezinjtë jo vetëm që konfirmojnë dominimin e tyre në fushën e blertë, por po menaxhojnë më qetësisht minutat e pjesës së dytë, nën mbështetjen e zjarrtë të tifozëve që kanë mbushur shkallët e impiantit të kryeqytetit.