Londër, 12 nëntor 2026 – Një ngjarje tragjike ka tronditur Britaninë e Madhe, ku një nënë 47-vjeçare e dy fëmijëve ka humbur jetën pasi u godit me thikë në zemër gjatë orarit të punës, ndërsa tentativa e saj për t’u drejtuar vetë me automjet drejt spitalit përfundoi fatalisht.

Viktima është identifikuar si Eleanor Barnfield, punonjëse e një shoqate strehimi, e cila u sulmua me thikë më 19 tetor në kompleksin e banimit Ger-Y-Nant në Bridgend. Pavarësisht plagës së rëndë në gjoks, 47-vjeçarja hipi në automjetin e saj për të mbërritur në Spitalin “Princesha e Uellsit”, rreth 2.4 kilometra larg, por arriti të përshkonte vetëm rreth 275 metra përpara se të humbiste kontrollin e makinës dhe të përplasej me një mur.

Ekipet e emergjencës e gjetën atë të plagosur rëndë brenda automjetit dhe e transportuan në spital, ku fatkeqësisht ndërroi jetë. “Ishte gjithçka për ne”, janë shprehur të tronditur familjarët e saj.

Për këtë vrasje është akuzuar 61-vjeçari Clifford Foster, banor i kompleksit ku ndodhi sulmi, i cili është lënë në paraburgim nga gjykata deri në seancën e radhës të caktuar më 23 nëntor, teksa autoritetet vijojnë hetimet për zbardhjen e plotë të ngjarjes.