Të dhënat po ngarkohen...
Transmetuar më 11-11-2026, 22:58
Tiranë, 11 nëntor 2026 – Detaje të reja janë zbardhur nga hetimet e Prokurorisë së Posaçme (SPAK) mbi aktivitetin e grupit kriminal të drejtuar nga Franc Çopja dhe Ervis Çela, të cilët dyshohen për trafikimin e më shumë se 60 tonëve kokainë nga Amerika Latine drejt tregut evropian.
Në emisionin “Now” u publikuan transkripte të komunikimeve private mes dhjetorit 2020 dhe shkurtit 2021, ku dy drejtuesit e organizatës diskutojnë për menaxhimin e shumave kolosale të parave të përfituara nga aktiviteti ilegal dhe konvertimin e tyre në lingota ari. Gazetari Artan Hoxha bëri me dije se këto përgjime nuk rrjedhin nga platforma Sky ECC, por nga një rrjet tjetër i enkriptuar komunikimi.
Ervis Çela: “Nuk dimë ku me çuar lekët.”
Franc Çopja: “20/30 kile çdo ditë… Bëni 1000 kile flori..”
Ervis Çela: “Po merr nja 200/300 kile për mua..”
Franc Çopja: “Është me 55 tani.. Unë vetë kam arritur te 100 kile deri tani.”
Ervis Çela: “S’ka flori, duhet me grabit ndonjë bankë, duhet me porosit nga Afrika.”
Dosja hetimore u dërgua për gjykim nga SPAK më 5 nëntor për 16 persona të marrë si të pandohur, ndërsa përgjimet zbulojnë vështirësitë e grupit për të futur në qarkullim apo ruajtur sasi të tilla të mëdha likuiditeti.
Shënim: Çdo person që mund të përmendet në përmbajtjen e këtij artikulli, mbështetur mbi parimin procedural penal dhe atë universal të prezumimit të pafajësisë, konsiderohet i pafajshëm penalisht, nëse nuk ka ose deri kur të ketë një vendim të formës së prerë.
Shënim: Në disa lajme, imazhet gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Bashkohu me kanalin e NOA WhatsApp për lajmet më të fundit direkt në celularin tënd