E pabesueshme ajo që ndodhi në SHBA! Foshnja u gjet e gjallë brenda një kafazi qensh, e mbështjellë me peshqir dhe e varrosur në pyll. Autoritetet dyshojnë te babai 25-vjeçar. Momenti kur policët dëgjuan të qarat e vogëlushit ishte emocionues.

Një ngjarje tronditëse, por me një fund që ka habitur autoritetet, është regjistruar në Karolinën e Jugut, në Shtetet e Bashkuara të Amerikës, ku një foshnjë vetëm 11 muajshe është gjetur e gjallë pasi dyshohet se kishte qëndruar rreth 24 orë e varrosur nën tokë.

Vogëlushi, i identifikuar si Koah Sharpe, u zbulua të martën, më 10 nëntor, në një zonë pyjore të qarkut Lexington. Ai ndodhej brenda një kafazi për transportimin e qenve, i mbështjellë me një peshqir dhe i mbuluar me dhe në një gropë të cekët.

Sipas autoriteteve, foshnja u gjet pranë banesës së gjyshit të tij, pasi hetuesit vunë re se toka në një pjesë të pyllit ishte gërmuar së fundmi. Teksa nisën të hiqnin dheun, policët dëgjuan të qarat e fëmijës dhe ndërhynë menjëherë për ta nxjerrë në sipërfaqe.

Sherifi i qarkut Lexington, Jay Koon, e përshkroi momentin e shpëtimit si jashtëzakonisht emocionues.

“Zoti është vërtet i mirë. Vetëm pak minuta më parë gjetëm Koah, 11 muajsh, të varrosur të gjallë, duke luftuar për jetën dhe duke qarë. Ishte tingulli më i gëzueshëm që mund të dëgjonim”, deklaroi sherifi gjatë një konference për shtyp.

Foshnja u dërgua menjëherë në spital për trajtim mjekësor. Pavarësisht gjendjes së rëndë në të cilën u gjet, autoritetet shprehën shpresën se vogëlushi do të shërohet.

Arrestohet babai 25-vjeçar, dyshohet se varrosi të birin

Në lidhje me ngjarjen është arrestuar babai i fëmijës, 25-vjeçari Michael Comer, të cilin autoritetet e dyshojnë si personin që mund të ketë varrosur foshnjën.

Comer ishte arrestuar mbrëmjen e së hënës, më 9 nëntor, nën akuzat për vjedhje me thyerje dhe kundërshtim gjatë arrestimit. Megjithatë, në momentin kur policia e ndaloi, fëmija nuk ndodhej me të.

Zhdukja e vogëlushit ishte raportuar të hënën, pasi nëna e tij e kishte lënë nën kujdesin e babait ndërsa ishte larguar për një punë personale. Kur u konstatua se foshnja nuk gjendej, autoritetet nisën kërkime të gjera për lokalizimin e tij.

Operacioni i kërkimit përfundoi të martën, kur hetuesit zbuluan dheun e sapogërmuar në pyll, pranë banesës së gjyshit të fëmijës.

Sipas sherifit, kafazi dhe peshqiri me të cilin ishte mbështjellë mund të kenë krijuar një hapësirë ajri që i ka mundësuar vogëlushit të mbijetojë për kaq shumë orë nën tokë.

Michael Comer vijon të mbahet në paraburgim, ndërsa hetuesit po bashkëpunojnë me prokurorinë për të përcaktuar akuzat e tjera që mund të ngrihen ndaj tij.

Motivi i dyshuar i kësaj ngjarjeje ende nuk është sqaruar.

An 11-month-old South Carolina boy was rescued on Tuesday, November 10, 2026, after authorities said he spent approximately 24 hours buried underground inside a towel-wrapped dog crate. Koah Sharpe was found near his grandfather’s home in Lexington County after investigators noticed freshly disturbed dirt and heard crying as they began digging, Sheriff Jay Koon said. He was taken to a hospital for treatment. His father, 25-year-old Michael Comer, had been arrested Monday night on a burglary charge, but Koah was not with him. Authorities believe Comer buried the child. He remains in custody as the investigation continues.

— ATM News (@atm_news_) November 11, 2026