Teheran, 10 nëntor 2026 – Irani ka bërë publik ekzistencën e një kompleksi të ri të madh ushtarak nëntokësor, të cilin e ka cilësuar si një “qytet raketash”, ndërsa ka lëshuar paralajmërime të fortë ndaj Uashingtonit.

Mediat shtetërore iraniane kanë transmetuar pamje nga brendësia e objektit të ndërtuar thellë në një vargmal, ku shfaqen raketa balistike, raketa lundrimi dhe sisteme lëshimi gjatë një inspektimi nga drejtuesit më të lartë ushtarakë, përfshirë Shefin e Shtabit Ali Abdollahi dhe komandantin e Forcës Hapësinore të Gardës Revolucionare, Majid Mousavi.

Sipas zëdhënësit të Gardës Revolucionare, Hossein Mohebbi, Teherani po përshpejton zhvendosjen e kapaciteteve të prodhimit të raketave dhe dronëve nga sipërfaqja drejt strukturave të mbrojtura nëntokësore, për të siguruar vijueshmërinë e punës edhe në rast bombardimesh.

Paralelisht me publikimin e pamjeve, kryetari i parlamentit iranian, Mohammad Bagher Ghalibaf, ka lëshuar një paralajmërim të drejtpërdrejtë për SHBA-në:

“Mos bëni gabime në llogaritjet tuaja. Nëse bëni një gabim, Irani nuk do të hezitojë të ndërmarrë një veprim mbrojtës të shpejtë dhe të papritur. Këtë herë, forcat e armatosura të Republikës Islamike të Iranit do të jenë ato që do të përcaktojnë gjeografinë e konfliktit,” deklaroi Ghalibaf.

Stratagjia e zhvendosjes së bazave ushtarake nën tokë vjen si përpjekje e Teheranit për të mbrojtur arsenalin dhe linjat e prodhimit pas dëmtimeve të pësuara nga përplasjet e mëparshme me Izraelin dhe Shtetet e Bashkuara, duke synuar të demonstrojë se zotëron ende kapacitete të plota mbrojtëse e sulmuese.

⚡️BREAKING: Iran's Revolutionary Guards have unveiled a new Underground Missile City located deep inside a Mountain

The video shows Hundreds of Ballistic Missiles pic.twitter.com/zMCZ7DITRW

— Iran Observer (@IranObserver0) November 10, 2026