Gjakovë, 10 nëntor 2026 – Dy persona kanë mbetur të plagosur me armë zjarri arrë pasditen e së martës në Gjakovë, ku më pas kanë kërkuar ndihmë mjekësore në spitalin e qytetit.

Zëdhënësja e Policisë për Rajonin e Gjakovës, Vlera Krasniqi, konfirmoi se rreth orës 16:40 janë njoftuar nga Qendra Emergjente lidhur me mbërritjen e dy të plagosurve. Pas marrjes së informacionit, njësitë përkatëse policore kanë nisur hetimet dhe kanë ekzaminuar vendin e ngjarjes.

“Gjatë ekzaminimit të vendit të ngjarjes janë gjetur dhe sekuestruar tri gëzhoja dhe një armë e gjatë automatike. Personi i dyshuar është arrestuar, ndërsa lidhur me rastin janë duke u ndërmarrë të gjitha veprimet e nevojshme në koordinim me Prokurorin e Shtetit,” deklaroi Krasniqi.

Autoritetet policore po vijojnë hetimet për zbardhjen e plotë të rrethanave dhe motiveve që çuan në këtë ngjarje.