Tiranë, 10 nëntor 2026 – Ndaj hetuesve të Prokurorisë së Posaçme (SPAK) ka pasur kërcënime të vazhdueshme për jetën, ndërsa prokurori më i rrezikuar aktualisht në vend është kreu i kësaj strukture, Altin Dumani. Deklarata është bërë nga profesori i kriminalistikës, Ervin Karamuço.

Gjatë një interviste televizive, Karamuço spjegoi se për shkak të dosjeve me peshë të madhe që po heton, Dumanit i janë vënë në dispozicion masa të përforcuara sigurie dhe një numër i shtuar rojeshi për mbrojtjen e tij fizike dhe të familjes. Sipas tij, vlerësimi i rrezikut nga struktura e posaçme ka diktuar nevojën për masa konkrete mbrojtëse.

“Prokurori sot më i kërcënuar nga ana e krimit të organizuar në Shqipëri është Altin Dumani, për shkak të çështjeve që ka dhe numrit të madh të rojeve që i janë vënë në dispozicion. Është parë e udhës të jetë i mbrojtur për shkak të kërcënimeve të vazhdueshme që i janë bërë për vete dhe familjen,” u shpreh Karamuço.

Eksperti i kriminalistikës shtoi se visa trupë e SPAK-ut përballet çdo ditë me presione dhe kërcënime nga krimi i organizuar, duke kujtuar se ka patur edhe ngjarje të rënda me përdorim armësh ndaj hetuesve në terren, si në Fier e rajone të tjera, të cilat jo të gjitha janë bërë publike.