Garda Civile po heton një vrasje të re, ndoshta një larje hesapesh, në Orihuela Costa. Një burrë hyri në një bar në një qendër sportive dhe argëtimi në Orihuela Costa dhe qëlloi për vdekje një burrë 39-vjeçar shqiptar që ishte në tarracë. Vrasësi iku me një skuter dhe po kërkohet

Alicante, 10 nëntor 2026 – Një 39-vjeçar shqiptar është vrarë gjatë kësaj të marte në Spanjë, pasi është qëlluar për vdekje me armë zjarri në zonën e Playa Flamenca, në jug të provincës së Alicante-s.

Ngjarja ka ndodhur në rrugën "San Nicolás de Bussi". Sipas medieve spanjolle, autori i krimit është afruar në mënyrë të fshehtë duke përdorur një skuter elektrik (monopatinë), i është afruar viktimës dhe e ka qëlluar disa herë radhazi me armë zjarri.

Incidenti ndodhi pak para orës 13:00 në kompleksin Playa Flamenca Sport Club. Qendra e kohës së lirë dhe sportive ndodhet në rrugën Nicolás de Bussi në zonën rezidenciale Playa Flamenca të Orihuela Costa.

Një burrë shqiptar ishte klient atje kur nuk mundi të mbrohej nga një vrasës me pagesë, i cili mbërriti dhe e qëlloi për vdekje në tarracën e një bari përpara se të ikte.

Pas të shtënave, autori i dyshuar është larguar me shpejtësi, duke u zhdukur nga vendi i ngjarjes brenda pak sekondash.

Video: Krimi në Orihuela Costa: Shqiptari qëllohet për vdekje në një klub padelësh, autori ikën me skuter / D. Pamies

Në vendngjarje është nisur një ekip i shërbimit të urgjencës mjekësore SAMU. Pavarësisht ndërhyrjes së shpejtë, stafi mjekësor nuk ka mundur të bëjë asgjë për t’i shpëtuar jetën 39-vjeçarit, duke konfirmuar vdekjen e tij në vend.

Autoritetet spanjolle kanë nisur hetimet intensive për zbardhjen e plotë të rrethanave, ndërsa deri në këto momente nuk bëhen të ditura detaje mbi identitetin e viktimës dhe autorit, motivet e këtij ekzekutimi apo nëse ngjarja lidhet me larje hesapesh mes bandave kriminale.