Të dhënat po ngarkohen...
Transmetuar më 10-11-2026, 16:38
Aksident në Tiranë, makina përplaset me murin në Babrru, 5 të plagosur, arrestohet shoferi 20-vjeçar
Një aksident rrugor me pesë persona të plagosur është regjistruar në zonën e Babrrusë, në Tiranë, ku një automjet ka dalë nga kontrolli dhe është përplasur me një mur.
Policia e Shtetit tha sot se aksidenti ka ndodhur në rrugën “Halit Haxhia-Babrru”, ku 20-vjeçari G. G., teksa drejtonte automjetin, dyshohet se ka humbur kontrollin e mjetit, duke përfunduar në mur.
Si pasojë e përplasjes, kanë mbetur të dëmtuar drejtuesi i automjetit dhe katër pasagjerët që udhëtonin me të.
Raportohet se pesë të plagosurit janë dërguar në urgjencën spitalore dhe aktualisht ndodhen jashtë rrezikut për jetën.
Policia ka arrestuar drejtuesin 20-vjeçar, ndërsa po vijojnë veprimet procedurale për sqarimin e plotë të rrethanave të aksidentit. /noa.al
Shënim: Çdo person që mund të përmendet në përmbajtjen e këtij artikulli, mbështetur mbi parimin procedural penal dhe atë universal të prezumimit të pafajësisë, konsiderohet i pafajshëm penalisht, nëse nuk ka ose deri kur të ketë një vendim të formës së prerë.
Shënim: Në disa lajme, imazhet gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Bashkohu me kanalin e NOA WhatsApp për lajmet më të fundit direkt në celularin tënd