TIRANË — Partia Socialiste po përmbyll përgatitjet për mbledhjen e Asamblesë Kombëtare, e cila do të zhvillohet këtë të shtunë, më 14 nëntor, në orën 10:30 në një resort në Gjirin e Lalzit.

Fokusi kryesor i fjalës së kryesocialistit Edi Rama pritet të jetë mobilizimi për zgjedhjet vendore të 9 majit dhe analiza e situatës politike me protestat. Rama pritet të shpalosë formulën e përzgjedhjes së kandidatëve për kryetarë bashkie, përfshirë profilin e kandidaturës për Bashkinë e Tiranës.

Mbetet me interes përcaktimi i qëndrimeve të kryetarit të PS-së lidhur me pozicionin e Erion Veliajt pas transferimit të tij në burgun e Fierit. Po ashtu, pritet të verifikohet nëse në rendin e ditës do të përfshihet mocioni i propozuar nga Elisa Spiropali për hapjen e partisë dhe "Marrëveshjen e Re për Shqipërinë", si dhe mundësia e ndryshimeve në përbërjen e kabinetit qeveritar.