TIRANË — Historia e 17-vjeçarit Erind Goçlari, i cili u gjobit nga Policia e Shtetit me 5 milionë lekë të vjetra gjatë protestës së 7 nëntorit 2026, ka nxitur një valë të madhe solidariteti mes shqiptarëve brenda dhe jashtë vendit.

I riu u kthye në qendër të vëmendjes pas publikimit të kushteve të vështira të jetesës në të cilat ndodhet familja e tij. Pas ndarjes nga jeta të nënës, 17-vjeçari jeton me të atin, të cilin pamundësia shëndetësore e pengon të punojë, si dhe me motrën e vëllanë, me të ardhurat e vetme që sigurohen nga një kemp invaliditeti.

Në përgjigje të apelit për ndihmë, në platformën "GoFundMe" u hap një fushatë me synim sigurimin e fondit për ndërtimin e një shtëpie të re për familjen Goçlari. Që prej pasdites së të hënës, shuma e grumbulluar nga kontributet e qytetarëve ka arritur në 102 mijë paund.