BUDAPEST — Një zhvillim i bujshëm ka tronditur skenën politike në Hungari, ku Áron Orbán, vëllai i ish-kryeministrit Viktor Orbán, është arrestuar në kuadër të një hetimi për trafikim të qenieve njerëzore. Lajmi u bë publik nga kryeministri Péter Magyar, i cili njoftoi se autoritetet kanë ndërmarrë veprime hetimore për këtë çështje.

Hetimet po zhvillohen nga Zyra Kombëtare për Rikuperimin dhe Mbrojtjen e Pasurive në bashkëpunim me Byronë Kombëtare të Hetimit. Emri i Áron Orbán është përmendur edhe më parë në lidhje me dyshimet për sigurimin e paligjshëm të vizave dhe lejeve të qëndrimit për shtetas të huaj, kryesisht nga Vietnami.

Sipas dosjes hetimore, një kompani e lidhur me të dyshohet se ka ndërmjetësuar pajisjen e shtetasve vietnamezë me viza hungareze përmes regjistrimit të tyre fiktiv në një kurs dyditor në Universitetin e Pécsit, procedurë që u mundësonte lëvizjen në zonën Schengen.

Pas publikimit të lajmit ka reaguar ish-kryeministri Viktor Orbán, i cili e ka cilësuar operacionin si sulm me prapavijë politike. “Objektivi jam unë, vëllai im është vetëm një mjet”, deklaroi Orbán, duke akuzuar qeverinë për përdorimin e institucioneve shtetërore në përplasjet politike. Hetimet mbi çështjen vazhdojnë për përcaktimin e plotë të përgjegjësive ligjore.