TIRANË — Specialistët për Hetimin e Narkotikëve në bashkëpunim me Komisariatin e Policisë Rinas dhe autoritetet doganore kanë finalizuar operacionin e koduar “Fly”, duke goditur një rast të tentativës për trafikim të lëndëve narkotike nëpërmjet aeroportit.

Gjatë kontrollit të bagazheve të pasagjerëve të linjës ajrore Athinë–Rinas, në valixhen e shtetasit grek Michail Prokovas, 51 vjeç, u zbuluan dhe u sekuestruan dy paketime me lëndë të dyshuar narkotike Cannabis sativa. Pasi ishte larguar nga ambientet e aeroportit menjëherë pas mbërritjes, shtetasi grek u lokalizua nga shërbimet e policisë në rrugën e Durrësit, ku u arrestua në flagrancë për veprën penale “Trafikimi i narkotikëve”.

Në kuadër të veprimeve hetimore dhe goditjes së kriminalitetit në kryeqytet, strukturat e Policisë së Tiranës kanë ndaluar gjithashtu tre shtetas ndaj të cilëve gjykata kishte caktuar masën e sigurisë “Arrest në burg”, konkretisht shtetasit Olti Kamberi (29 vjeç), Gerti Saliu (28 vjeç) dhe Sead Hajdini (20 vjeç).

Njoftimi:

Në kuadër të operacionit policor të koduar “Fly”, specialistët për Hetimin e Narkotikëve në bashkëpunim me Komisariatin e Policisë Rinas dhe autoritetet doganore, bazuar në informacionet e siguruara ushtruan kontroll në bagazhet e pasagjerëve të linjës ajrore Athinë–Rinas.

Gjatë kontrollit, në një valixhe u gjetën dy paketime me material bimor, të dyshuar si lëndë narkotike Cannabis sativa.

Pas veprimeve intensive hetimore u identifikua poseduesi i dyshuar i valixhes, shtetasi grek M. P., 51 vjeç, i cili ishte larguar nga aeroporti menjëherë pas mbërritjes.

Shërbimet e Policisë bënë të mundur lokalizimin dhe kapjen e tij në rrugën e Durrësit, ku u arrestua në flagrancë për veprën penale “Trafikimi i narkotikëve”. Lënda e dyshuar narkotike u sekuestrua në cilësinë e provës materiale.

Gjithashtu, dje, nga Strukturat hetimore, u kapën dhe u ndaluan 3 shtetas me masë sigurie “Arrest me burg” konkretisht; – O.K. 29 vjeç – G.S. 28 vjeç – S.H. 20 vjeç