Autoritetet polake kanë konfirmuar se 24-vjeçari Michal Oksinski, autori i masakrës që tronditi Krakovin ku mbetën të vrarë nëntë persona – përfshirë prindërit dhe motrën e tij, si dhe gjashtë qytetarë të tjerë të moshës 32 deri në 61 vjeç – ka ndërruar jetë mëngjesin e sotëm pas neutralizimit nga forcat e policisë.

Ndërkohë, janë bërë publike pamjet e përballjes së armatosur, ku dy efektivë policie ndërhyjnë pasi makina e autorit përfshihet në një aksident. Gjatë shkëmbimit të zjarrit, të dy efektivët mbetën të plagosur, ndërsa njëri prej tyre, i cili pësoi dëmtime të rënda, po lufton për jetën në spital pasi iu nënshtrua një ndërhyrjeje kirurgjikale.

Prokuroria e Krakovit po e trajton ngjarjen si një akt me sfond terrorist. Gjatë kontrolleve në banesën e autorit, autoritetet sekuestruan 11 armë zjarri dhe një sasi të madhe municionesh. Ministri i Brendshëm polak, Marcin Kierwiński, deklaroi se 24-vjeçari, i cili nuk kishte precedentë penalë, shfaqte pikëpamje ultranacionaliste dhe prirje të ekstremit të djathtë, ndërsa hetuesit vijojnë punën për zbardhjen e plotë të motiveve të ngjarjes.

🚨Update: Polish police confirms that 5 people were killed in today’s suspected terror attack in Krakow, Poland. https://t.co/yFcUvtFq8u

— US Homeland Security News (@defense_civil25) November 7, 2026

Dramatyczne chwile podczas zatrzymania sprawcy strzelaniny w Krakowie. Policjanci, narażając własne życie i zdrowie, podjęli walkę z uzbrojonym napastnikiem. Heroiczna postawa funkcjonariuszy, którzy mimo ogromnego zagrożenia nie wycofali się. pic.twitter.com/NaiZhvB4Di

— Remiza.pl (@remizacompl) November 7, 2026