GREQI- Një ngjarje e rëndë është regjistruar pasditen e së dielës në zonën e Agios Panteleimon, në Athinë, ku brenda një valixheje është zbuluar trupi i pajetë i një gruaje.

Zbulimi u bë pas njoftimit të një 28-vjeçari të huaj, i cili po kalonte pranë zonës dhe kishte vënë re një erë të fortë e të pazakontë që vinte nga valixhja.

Zbulimi i tmerrshëm u bë nga një 28-vjeçar emigrant, i cili, ndërsa kalonte pranë kryqëzimit të rrugëve Alkamenous 5 dhe Charisis, ndjeu një erë veçanërisht të fortë dhe njoftoi menjëherë Policinë.

Forcat e Policisë Helenike që nxituan në vendngjarje hapën valixhen e dyshimtë, duke konfirmuar përmbajtjen e saj makabre, dhe menjëherë mbyllën zonën.

Pas sinjalizimit, forcat e policisë mbërritën në rrugën Alkamenous, pranë rrugës Charisis, ku gjetën valixhen dhe, pasi e hapën konstatuan trupin e pajetë të një personi.

Menjëherë pas zbulimit, zona u rrethua nga forca të shumta policie. Në vendngjarje mbërriti edhe një mjek ligjor për të kryer ekzaminimet e nevojshme.

Sipas ekzaminimit fillestar makroskopik nga patologu mjeko-ligjor që shkoi në vendngjarje, viktima është një grua e imët, e cila mbante veshur rroba. Vdekja e saj vlerësohet të ketë ndodhur afërsisht dy ditë më parë, ndërsa valixhja vlerësohet të jetë lënë në vendin specifik brenda 24 orëve të fundit.

Për shkak të gjendjes së trupit, fillimisht pati konfuzion në lidhje me gjininë e viktimës, me informacionin fillestar që tregonte se ishte mashkull. E njëjta vështirësi po regjistrohet edhe në përcaktimin e karakteristikave të saj, pasi po konsiderohet se e ndjera është një grua me prejardhje afrikane, megjithatë ngjyra e lëkurës mund të ketë ndryshuar për shkak të gjendjes së trupit.