Një autobot qumështi përplaset me një motomjet në aksin Fier-Libofshë

Një aksident rrugor ka ndodhur mbrëmjen e sotme në aksin rrugor Fier–Libofshë, konkretisht në fshatin Agim, ku janë përplasur një autobot që transportonte qumësht dhe një motomjet.

Si pasojë e goditjes së fortë, drejtuesi i motomjetit ka pësuar dëmtime dhe është transportuar me urgjencë drejt Spitalit Rajonal të Fierit për të marrë trajtimin e nevojshëm mjekësor.

Sipas informacioneve paraprake nga Policia, dyshohet se drejtuesi i motorit ka qenë në gjendje të dehur në momentin e ngjarjes.

Shërbimet e policisë dhe grupi hetimor kanë mbërritur menjëherë në vendngjarje dhe po kryejnë veprimet e duhura për të zbardhur plotësisht rrethanat dhe shkaqet që çuan në këtë aksident.