Të dhënat po ngarkohen...
Transmetuar më 08-11-2026, 20:53
Janë identifikuar personat e përfshirë në aksidentin tragjik të ndodhur mbrëmjen e sotme në qytetin e Durrësit, ku një 81-vjeçar humbi jetën pasi u përplas nga një automjet.
Viktima është Besim Zylfa, 81 vjeç, ndërsa drejtuesja e automjetit që e aksidentoi është Klarisa Gjepali, 26 vjeçe.
Ngjarja ndodhi rreth orës 19:12, në lagjen nr. 14 të Durrësit, ku automjeti i drejtuar nga 26-vjeçarja përplasi të moshuarin, i cili nuk mundi t’u mbijetonte dëmtimeve të marra.
Pas aksidentit, Klarisa Gjepali u shoqërua në ambientet e Policisë për kryerjen e veprimeve të mëtejshme procedurale.
Ndërkohë, grupi hetimor, nën drejtimin e Prokurorisë, vijon hetimet për të zbardhur dinamikën e aksidentit dhe për të përcaktuar rrethanat e plota të ngjarjes.
Shënim: Çdo person që mund të përmendet në përmbajtjen e këtij artikulli, mbështetur mbi parimin procedural penal dhe atë universal të prezumimit të pafajësisë, konsiderohet i pafajshëm penalisht, nëse nuk ka ose deri kur të ketë një vendim të formës së prerë.
Shënim: Në disa lajme, imazhet gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Bashkohu me kanalin e NOA WhatsApp për lajmet më të fundit direkt në celularin tënd