Moderatorja Ori Nebijaj ka bërë një deklaratë të bujshme gjatë emisionit “Goca dhe Gra”, duke u shprehur hapur se Arbana Osmani është një nga personazhet e medias që e ka zhgënjyer dhe që ndryshon rrënjësisht nga mënyra se si shfaqet në televizion.

Pikëpamja e saj u bë e ditur gjatë një loje pyetjesh në studio, ku e ftuar ishte këngëtarja Jonida Maliqi. E pyetur nga kjo e fundit se cili personazh i njohur i duket më i shtirur apo ndryshe në jetën reale, Ori Nebiaj hezitoi fillimisht me shaka për shkak të ambientit televiziv, por më pas dha emrin e Arbanës:

“Aman se mos më bërtasin këta të Topit, por unë do e them. Një nga personazhet e medias që realisht për mua është tjetër gjë në ekran dhe tjetër gjë si individ, është Arbana Osmani, që më ka zhgënjyer”, u shpreh moderatorja, duke konfirmuar ftohjen e marrëdhënieve mes tyre.