Një nga dy efektivët e policisë që ndërhynë për të neutralizuar autorin e sulmit të armatosur në Krakov ndodhet në gjendje kritike për jetën, pasi u qëllua me tre plumba gjatë përballjes me 24-vjeçarin Michal Oksinski.

Bëhet fjalë për oficerin Jakub Kulik, i cili pësoi dëmtime të rënda në mushkëri gjatë shkëmbimit të zjarrit. Ministri polak i Drejtësisë, Waldemar Zurek, ka lëshuar një apel publik për dhurim gjaku (grupimi AB Rh+), i cili është jetik për trajtimin e tij. Në gjendje të rëndë ndodhet edhe rreshteri Artur Morański, kolegu i tij që mori pjesë në operacion.

Duke vlerësuar aktin e tyre, ministri Zurek theksoi se falë ndërhyrjes së shpejtë të dy efektivëve brenda pak minutave, të cilët rrezikuan jetën e tyre përballë një sulmuesi të armatosur me armë automatike, u shmang një traget edhe më e madhe. Masakra e ndodhur në sheshin kryesor të Krakovit dhe në banesën e autorit la pas nëntë viktima, përfshirë tre anëtarët e familjes së vetë sulmuesit.