Një incident i rëndë është regjistruar në tunelin e dhomave të zhveshjes në stadiumin "Mestalla", gjatë përfundimit të pjesës së parë të ndeshjes mes Valencias dhe Real Madridit, ku situata ka degjeneruar në përleshje fizike dhe është dashur ndërhyrja e Policisë Kombëtare.

Sipas raportimeve dhe pamjeve filmike, gjithçka ka nisur nga debatet e drejtorit sportiv të Valencias, Braulio Vázquez, me ekipin e arbitrimit. Ndërhyrja e mesfushorit Jude Bellingham për të larguar drejtuesin spanjoll ka shkaktuar një përplasje masive mes lojtarëve të të dyja skuadravë. Në përpjekje për të qetësuar situatën, punonjësit e sigurisë private janë përfshirë në konflikt, ku sipas pamjeve dhe pretendimeve të klubit të Valencias, mbrojtësi i Real Madridit, Antonio Rüdiger, shihet duke goditur me grusht në fytyrë një nga rojet e sigurisë.

Megjithatë, incidenti i dhunshëm nuk është pasqyruar në raportin zyrtar të gjyqtarit të ndeshjes, i cili ka përmodur vetëm protestat e drejtorit Vázquez dhe ndërhyrjen e policisë për largimin e tij. Klubi i Valencias ka shprehur pakënaqësi të thellë ndaj kësaj heshtjeje institucionale, duke deklaruar se disponon provat pamore të agresionit dhe kërkon llogaridhënie zyrtare.