Lëvizja studentore në vend ka hyrë në një fazë të re organizimi, duke nisur krijimin e forumeve të përbashkëta të diskutimit me pedagogët në të gjitha fakultetet.

Mateo Yskollari, student i vitit të dytë Master për Inxhinieri Informatike në Universitetin Politeknik, bëri me dije se qëllimi i kësaj nisme është përcaktimi i formës më të duhur të rezistencës dhe kanalizimi i saj drejt një ndryshimi të thellë sistemik.

Ai konfirmoi se vetëm dy ditë më parë është zhvilluar një forum i tillë në fakultetin e tij, duke shënuar hapat e parë të kësaj strukturimi të brendshëm.

Yskollari tha se protesta 160-ditore buron nga mllefi i grumbulluar i qytetarëve për kushte jetese me dinjitet evropian dhe refuzoi kategorikisht çdo ndërhyrje apo përdorim nga elita e vjetër politike.

Ndërsa nënvizoi se dora do të jetë e shtrirë për çdo qytetar që kërkon ndryshim, studenti bëri të qartë se sheshi nuk i përket asnjë partie politike.

Sipas tij, studentët po konsultohen intensivisht me trupën pedagogjike dhe grupet e tjera të interesit për të ndërtuar zgjidhjet më të duhura afatgjata.