Për herë të parë në historinë e degës së Partisë Demokratike në Fier, drejtimin e saj do ta marrë një grua. Enkelejda Veliu është shpallur fituese e garës për drejtimin e kësaj dege politike, duke triumfuar përballë katër rivalëve në garë: Ardian Ferros, Fatjon Semanjakut, Gentian Koçit dhe Festim Metës.

Fitorja u vendos pas një votimi mjaft të ngushtë, ku Veliu mori 196 vota kundrejt 192 votave të marra nga vendi i dytë, Ardian Ferro, i cili deri më tani kishte mbajtur detyrën e kryetarit të komanduar.

Në këtë proces zgjedhor morën pjesë rreth 3 800 anëtarë të PD-së në Fier, ndërsa vihet re se pas rishikimit të listave, numri i anëtarësisë së kësaj dege pësoi një reduktim të ndjeshëm nga 8 000 anëtarë që rezultonin më parë.

Zgjedhjet në Fier u zhvilluan jashtë afatit të përcaktuar nga statuti i partisë në krahasim me degët e tjera në vend, por procesi u përmbyll këtë të shtunë duke zyrtarizuar drejtimin e ri të strukturave demokrate në këtë qark.