Tiranë, 7 nëntor 2026 – Situata e protestës në kryeqytet është tensionuar sërish, pasi një pjesë e demonstruesve janë rikthyer në bulevardin “Dëshmorët e Kombit”, pranë godinës së Kryeministrisë.

Pas rikthimit të tyre në këtë zonë, policia u ka bërë thirrje protestuesve të largohen dhe të mos qëndrojnë më në bulevard.

Efektivët kanë paralajmëruar se, në rast se demonstruesit nuk i binden urdhrit për t’u larguar, ndaj tyre do të merren masa administrative, përmes vendosjes së gjobave.

Situata vijon të mbetet e tensionuar, pas përplasjeve dhe ndërhyrjeve të policisë për shpërndarjen e turmës gjatë orëve të fundit.