Viktima e aksidentit të rëndë të ndodhur këtë të shtunë, më 7 nëntor, në një subjekt minerar në zonën e Martaneshit, është identifikuar si Gëzim Muça, 62 vjeç, banues në Klos.

Sipas informacionit paraprak të Policisë, 62-vjeçari dyshohet se është aksidentuar gjatë punës në subjektin minerar, duke pësuar dëmtime të rënda, të cilat i kanë shkaktuar vdekjen.

Ende nuk janë bërë të ditura rrethanat e sakta në të cilat ka ndodhur aksidenti fatal, ndërsa autoritetet kanë nisur hetimet për të zbardhur shkaqet e ngjarjes.

Grupi hetimor, nën drejtimin e Prokurorisë, po vijon veprimet për dokumentimin e plotë të rrethanave dhe përcaktimin e shkaqeve që çuan në humbjen e jetës së 62-vjeçarit Gëzim Muça.