FIER — Anëtarësia e Partisë Demokratike në Fier zhvillon këtë të shtunë, më 7 nëntor, procesin e votimit për zgjedhjen e kryetarit të ri të degës lokale.

Përmes një thirrjeje drejtuar strukturave dhe anëtarësisë, demokratët e Fierit janë ftuar të marrin pjesë në votime për të përzgjedhur drejtuesin e ri. Ky proces vlerësohet si një hap i rëndësishëm për riorganizimin e bazës dhe konsolidimin e strukturave të partisë në nivel lokal.

Në garën për drejtimin e degës së PD-së në Fier marrin pjesë pesë kandidatë: Ardian Ferro, Enkelejda Veliu, Fation Semanjaku, Gentian Koçi dhe Festim Metaj.

Procesi i votimit do të vijojë përgjatë ditës së sotme, ndërsa pas përmbylljes së numërimit të fletëve të votimit pritet të shpallet zyrtarisht fituesi që do të marrë drejtimin e degës lokale.