Ish-Prokurori i Përgjithshëm, Adriatik Llalla, ka zbuluar detaje të reja lidhur me përballjen e tij me drejtësinë shqiptare gjatë një interviste për emisionin “On the Road” me Anisa bahiti, ku pranoi se kishte qenë vetë nismëtari i ndryshimeve ligjore për ashpërsimin e dënimit për veprën penale të mosdeklarimit të pasurisë.

Llalla sqaroi se gjatë kohës që drejtonte Inspektoratin e Lartë të Deklarimit dhe Kontrollit të Pasurive (ILDKPKI), kishte propozuar zëvendësimin e gjobave me dënime efaktive me burgim deri në tre vite me qëllim rritjen e përgjegjshmërisë së zyrtarëve publikë, ndryshim i cili më pas u zbatua në çështjen e tij penale ku u dënua me dy vite burg në maj të vitit 2021 nga Gjykata e Posaçme.

I pyetur për qëndrimin e tij aktual në Romë, ish-kryeprokurori deklaroi se gjykatat italiane refuzuan kërkesën për ekstradimin e tij drejt Shqipërisë, duke marrë parasysh pretendimet për disproporcionalitetin e dënimit të dhënë dhe gjendjen e tij shëndetësore.