Një ngjarje e zhvilluar në Spitalin Bashkiak "Jailton Messias de Souza Albuquerque" në Barreiros të Brazilit ka nxitur reagime të forta mes pushtetit vendor dhe organizatave mjekësore, pas publikimit të një videoje ku kryebashkiaku Carlinhos da Pedreira përballet me dy mjekë në dhomën e pushimit.

Kryebashkiaku i akuzoi publikisht dy mjekët për neglizhencë dhe braktisje të pacientëve në urgjencë për të fjetur e puthur, duke kërkuar arrestimin dhe largimin e tyre nga puna. Ndaj këtij veprimi ka reaguar ashpër Sindikata e Mjekëve dhe Këshilli Rajonal i Mjekësisë në Pernambuco, të cilët sqaruan se mjekët ndodheshin në pushimin e tyre të garantuar me ligj pas një turni intensiv 12-orësh, ndërsa një koleg i tyre po vijonte shërbimin ndaj pacientëve.

Pas përplasjes publike dhe dënimit të mënyrës së ekspozimit të profesionistëve nga ana e sindikatave, autoritetet bashkiake njoftuan ndërprerjen e kontratës me shoqatën private që administronte spitalin, duke marrë përkohësisht në dorëzimin e tij deri në zhvillimin e një tenderi të ri.