TIRANË- Gjykata e Apelit ka ndryshuar vendimin e shkallës së parë për Ilir Beqarajn, i akuzuar për vrasjen e ish-policit të Burgjeve, Gentian Bejtja, ngjarje e ndodhur më 1 mars 2024 në Fushë-Krujë. Trupi gjykues i ka caktuar Beqarajt 20 vite burgim, por për shkak të përfitimit nga gjykimi i shkurtuar, dënimi përfundimtar që ai do të vuajë është 12 vite e 8 muaj burg.

Në shkallën e parë, Ilir Beqaraj ishte dënuar me 24 vite burg, por me vendimin e ri, Apeli ka ndryshuar masën e dënimit, duke e ulur atë me më shumë se 11 vite krahasuar me vendimin e mëparshëm. Gentian Bejtja u vra më 1 mars 2024, në banesën e tij në Fushë-Krujë, ku ndaj tij u qëllua me 71 plumba.

Vrasja e Gentjan Bejtjas

Gentian Bejtja u ekzekutua më 15 mars 2024 në banesën e tij. Ai ishte një emër i njohur për drejtësinë dhe ishte i dyshuar për një sërë ngjarjesh të rënda. Në 9 janar të vitit 2022, Gentian Bejtja ish-polic burgu, i shpëtoi një atentati me breshëri kallashnikovi, në afërsi të Niklës në Fushë-Krujë, por u plagos në krah miku i tij 31 vjeçar Klodian Stafuka i cili ndodhej me të në makinë gjatë momentit kur ndaluan për të furnizuar makinën në një pikë karburanti. Dy të dyshuarit për vrasjen e tij janë Edison Haxhia dhe Ilir Beqaraj.