MOMBASA — Udhëheqësi i një sekti fetar në Kenia, Paul Mackenzie, është dënuar me 200 vite burgim për vrasjen e 191 personave, pothuajse të gjithë fëmijë, në një nga rastet më tronditëse të abuzimit dhe agjërimit të detyruar në vend.

Mackenzie, themelues i organizatës "Kisha Ndërkombëtare e Lajmit të Mirë", u shpall fajtor dhe u dënua nga Gjykata e Lartë në Mombasa, së bashku me më shumë se 20 persona të tjerë të përfshirë në këtë veprimtari kriminale.

Sipas hetimeve të autoriteteve vendase, Mackenzie kishte bindur ndjekësit e tij të braktisnin shtëpitë dhe të vendoseshin në pyllin Shakahola në lindje të Kenias. Ai u kishte premtuar se përmes agjërimit deri në vdekje do të afroheshin më shumë me Zotin dhe do të përgatiteshin për hyrjen në parajsë.