VLORË — Një ngjarje e rëndë është regjistruar gjatë orëve të mesditës në qarkun e Vlorës, ku një punonjës i mirëmbajtjes së rrjetit elektrik ka humbur jetën në krye të detyrës.

Viktima është identifikuar si shtetasi Altin Petanaj, 45 vjeç, i cili shërbente si elektricist pranë Drejtorisë së Tensionit të Lartë.

Ngjarja e rëndë ndodhi teksa 45-vjeçari po kryente punime mirëmbajtjeje dhe riparimi në nënstacionin elektrik të fshatit Kocul, ku u godit nga një masë e fortë rryme elektrike.

I ndjeri ishte pjesë e grupit të punës së Drejtorisë së Tensionit të Lartë.

Ngjarja ka ndodhur teksa grupi i punonjësve po kryente punime riparimi në nënstacionin elektrik të fshatit Kocul.

"Rreth orës 10:45, në fshatin Kocul, shtetasi A. P., rreth 50 vjeç, punonjës i OShEE-së, gjatë punës te nënstacioni elektrik, dyshohet se ka rënë në kontakt me rrymën elektrike dhe për pasojë ka humbur jetën", tha Policia.

Në vendngjarje kanë mbërritur shërbimet e Policisë dhe grupi hetimor.

Ekspertët kanë nisur veprimet procedural-hetimore për zbardhjen e plotë të rrethanave të aksidentit në punë dhe verifikimin e zbatimit të rregullave të mbrojtjes teknike gjatë kryerjes së punimeve.