Kreu i Partisë Demokratike, Sali Berisha, i ka bërë një thirrje publike drejtuesve të forcave të reja politike në vend, përfshirë Arlind Qorin, Agron Shehajn dhe Adriatik Lapajn, për t’u bërë pjesë e një fronti të përbashkët opozitar.

Berisha u shpreh në Euronews Albania i gatshëm për të nisur menjëherë bashkëpunimin me çdo faktor politik që ka si synim parësor rotacionin politik dhe largimin e kryeministrit Edi Rama nga drejtimi i ekzekutivit.

Kryetari i PD-së nënvizoi se nuk ka asnjë lloj paragjykimi ndaj aktorëve të rinj të skenës politike apo sulmeve retorike të së kaluarës, duke e vendosur përballjen me qeverinë si prioritet absolut të opozitës. Berisha ritaksoi se është i hapur për takime e tryeza të përbashkëta me të gjithë eksponentët opozitarë pa asnjë kusht paraprak, me qëllim koordinimin e aksionit politik përballë mazhorancës në pushtet.