TIRANË — Kryetari i Partisë Socialiste, Edi Rama, ka nisur diskutimet me strukturat drejtuese për thirrjen e mbledhjes së Asamblesë Kombëtare të kësaj force politike.

Burime nga selia e rozë bëjnë me dije se si datë e mundshme për zhvillimin e punimeve të Asamblesë po diskutohet 14 nëntori. Konfirmimi zyrtar i datës dhe njoftimi i të gjithë anëtarëve të Asamblesë Kombëtare pritet të bëhet publik gjatë ditëve në vijim.

Aktualisht, nga struktura drejtuese e Partisë Socialiste nuk janë caktuar ende tematikat kryesore dhe rendi i ditës që do të shtrohen për diskutim gjatë këtij takimi politik.