TIRANË — Kryeministri Edi Rama i ka konsideruar të parëndësishme polemikat e fundit dhe pretendimet për përplasje të brendshme me kryetarin e Bashkisë së Tiranës, Erion Veliaj, gjatë një konferencë të përbashkët për shtyp me ambasadoren e Bashkimit Evropian, Silvio Gonzato.

I pyetur nga gazetarët mbi pretendimet e kryebashkiakut të kryeqytetit për kërcënime dhe dyshimet se ai mund të qëndrojë pas protestave të fundit, kreu i qeverisë refuzoi të hyjë në detaje konkrete, duke u shprehur se i konsideron pa asnjë vlerë këto deklarata.

Rama nëgzoi se vëmendja e qeverisë është e përqendruar te progresi i vendit dhe integrimi evropian, duke vlerësuar gjetjet e raportit të KE-së si pasqyrë reale të punës shtetërore. Ai deklaroi se zhvillimet e tjera politike janë pa ndikim në përmbushjen e objektivave historikë të Shqipërisë.

Duke komentuar zhurmën politike, kryeministri u shpreh se pretendimet e tilla janë si zhurma e makinave që lëvizin në bulevard, duke nëvizuar se qeveria mbetet tërësisht e angazhuar në procesin e anëtarësimit të vendit në Bashkimin Evropian.