BURREL — Një ngjarje e rëndë familjare është regjistruar në lagjen “Pjetër Budi” në qytetin e Burrelit, ku një 43-vjeçare ka lyer me lëndë djegëse të atin dhe i ka vënë flakën.

Strukturat e Policisë kanë bërë të mundur kapjen dhe arrestimin në flagrancë të shtetases M. M., rreth 43 vjeçe. Sipas të dhënave paraprake, ajo dyshohet se e ka spërkatur me benzinë babanë e saj të moshuar dhe më pas i ka posur zjarrin.

Si pasojë e përhapjes së flakëve, i moshuari ka pësuar dëmtime të rënda dhe djegie në pjesën e fytyrës. Ai është transportuar me urgjencë drejt spitalit për të marrë asistencën e nevojshme mjekësore.

Burime nga Policia bëjnë me dije se 43-vjeçarja nuk ka shfaqur asnjë shenjë pendese gjatë dhe pas shoqërimit në ambientet policore. Grupi hetimor po vijon veprimet procedurale nën drejtimin e Prokurorisë për zbardhjen e plotë të motiveve dhe rrethanave të kësaj ngjarjeje.