VAU I DEJËS — Shërbimet e Komisariatit të Policisë Vau i Dejës, pas një pune disamujore të ndjekur me metoda proaktive dhe speciale hetimi, kanë finalizuar operacionin policor të koduar “Vila”, nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Shkodër.

Si rezultat i hetimeve intensive, forcat e rendit kanë bërë të mundur identifikimin dhe kapjen e shtetasit N. N., 57 vjeç, banues në qytetin e Shkodrës, i dyshuar si bashkëpunëtor në këtë veprimtari kriminale.

Nga veprimet procedurale dyshohet se 57-vjeçari është i përfshirë në kultivimin e 78 bimëve narkotike dhe prodhimin e 24 kilogramëve e 240 gramëve lëndë të dyshuar Cannabis Sativa. Kjo sasi lënde narkotike u gjet dhe u sekuestrua nga shërbimet e policisë më 12 tetor 2026 në fshatin Vilë të njësisë administrative Temal.

Strukturat e policisë po vijojnë hetimet për dokumentimin e plotë të këtij rrjeti kriminal, si dhe për identifikimin e personave të tjerë të përfshirë. Materialet procedurale i kaluan Prokurorisë së Shkodrës për konsumim të veprave penale “Prodhimi dhe shitja e narkotikëve” dhe “Kultivimi i bimëve narkotike”, të kryera në bashkëpunim.

Vau i Dejës/Finalizohet operacioni i koduar “Vila”,si rezultat i disa muajve hetime me metoda proaktive për dokumentimin e veprimtarive kriminale në fushën e narkotikëve.

I dyshuar si bashkëpunëtor në kultivimin dhe prodhimin e 24 kg e 240 gramë Cannabis Sativa dhe 78 bimëve Cannabis Sativa, identifikohet nga hetimet dhe vihet në pranga 57-vjeçari.

Shërbimet e Komisariatit të Policisë Vau i Dejës, pas një pune intensive hetimore disamujore, të kryer me metoda speciale, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Shkodër, finalizuan operacionin e koduar “Vila”.

Si rezultat i këtij operacioni, u identifikua dhe u ndalua shtetasi N. N., 57 vjeç, banues në Shkodër.

Nga hetimet dyshohet se ky shtetas është bashkëpunëtor në kultivimin dhe prodhimin e 24 kg e 240 gramë lëndë e dyshuar narkotike Cannabis Sativa dhe në kultivimin e 78 bimëve të dyshuara narkotike Cannabis Sativa, që janë gjetur dhe sekuestruar nga shërbimet e Policisë, më datë 12.10.2026, në fshatin Vilë, njësia administrative Temal. Vijojnë hetimet për dokumentimin e plotë të kësaj veprimtarie kriminale dhe identifikimin e shtetasve të tjerë të përfshirë.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprat penale “Prodhimi dhe shitja e narkotikëve” dhe “Kultivimi i bimëve narkotike”, të kryera në bashkëpunim.