Operacioni i kërkim-shpëtimit për gjetjen e 69-vjeçarit që rezulton i zhdukur pas shpërthimit tragjik në pallatin në Elbasan është ndërprerë për arsye sigurie. Ekspertët e Ministrisë së Mbrojtjes kanë vendosur pezullimin e menjëhershëm të kërkimeve për shkak të rrezikut të lartë që paraqet struktura e dëmtuar e ndërtesës.

Sipas vlerësimeve në terren, gjendja e pallatit është jashtëzakonisht e paqëndrueshme dhe çdo ndërhyrje e mëtejshme brenda ambienteve të shembura rrezikon seriozisht jetën e vetë ekipeve të shpëtimit.

Si pasojë e kësaj ngjarjeje të rëndë, deri më tani është konfirmuar humbja e jetës e një 82-vjeçareje, ndërsa dhjetë persona të tjerë kanë marrë lëndime dhe trajtim mjekësor.