Kryebashkiaku i Tiranës, Erion Veliaj, ka lëshuar akuza të forta ndaj kryeministrit Edi Rama nga burgu i Fierit, duke e kritikuar ashpër për atë që e cilëson si përpjekje direkte për ta izoluar, shantazhuar dhe ndikuar mbi procesin e tij gjyqësor.

Veliaj ka hedhur poshtë pretendimet se ai qëndron pas organizimit apo financimit të protestave të grupimit "Flamingot" dhe lëvizjeve studentore, duke i krahasuar këto akuza me paranojat e regjimit komunist për "armiq të brendshëm". Ndër të tjera, kryebashkiaku ka deklaruar se nuk intimidohet nga presioni apo mundësia e transferimit në burgje të tjera.

Deklarata e plotë e Erion Veliajt mbi akuzat dhe raportin me kryeministrin:

“E kuptoj që je veç lajmësi, jo autori – s’të vë faj ty, mbetesh miku im, pavarësisht rolit.

Turp që KM merret vetë me internimet.

Nëse R. mendon se duke më larguar dhe izoluar nga familja bëhet i madh – he belittles himself – dhe gardianët në burgje e tallin.

Bëtë goditje të madhe, për të dalë kaq të vegjël, pity.

Më çoni dhe në Spaç po deshët, nuk përkulem e nuk shantazhohem.

Çfarë “nderi” duhet t’i njoh KM? Që negocion me prokurorët për sa akuza do kem e sa vite do marr?

Ç’a dmth hera e fundit si baba? Kërcënim?

Kjo e prok që thua “duan të më hanë të gjallë, e më duan të vdekur” është turp për ju që bëni këto muhabete.

Nuk jam organizator e financues as i Flamingove, as studentëve – këto janë gjepura si në kohë të Enverit! Ku është katandis shteti, gjeti armikun e brendshëm.”