Kryebashkiaku i Tiranës, Erion Veliaj, në bisedën e zbardhur me drejtuesin politik Toni Gogu gjatë qëndrimit në burgun e Fierit, është ndalur me kritika të ashpra ndaj kryeministrit Edi Rama lidhur me drejtimin dhe emërimet në Bashkinë e Tiranës.

Veliaj e ka akuzuar kreun e qeverisë se ka larguar socialistët me kontribute për t’i zëvendësuar ata me figura të ardhura nga opozita, ndërsa ka theksuar se nuk do të pranojë më delegimin e kompetencave të tij drejtuese.

Deklarata e plotë e Erion Veliajt mbi drejtimin e Bashkisë së Tiranës: “KM premtoi do merrej vetë, po plehrat u bënë mullar, ikën socialistët dhe sollët Dash Sulën e vogël që vinte gjoba. Pse mbaruan njerëzit që sollën fitoret me PS?

Riktheva Bashkinë te Socialistët e qytetarët; Etleva 24 karat socialiste e jona, e ndershme e aftë.

Sadi ish-prefekt e deputet socialist, me kontribute si tironc e në PS.

Sarën që fëmijë e kam pasur në FRESSH – ka dhënë vitet më të mira në PS+BT.

PS nuk rritet nga skorjet që hedh Saliu, po nga promovimi i të rinjve brenda e jashtë PS.

Ndaj hajt ta promovojmë Arbrin, s’është djalë i keq, por delegimin nuk e bëj më.”