Identifikohet viktima e aksidentit tragjik në Durrës, Landi Lila humbi jetën pas përplasjes së automjetit, shoferi u largua nga vendngjarja

Është identifikuar si Landi Lila, 48 vjeç, pasagjeri që humbi jetën në aksidentin e rëndë të regjistruar mëngjesin e kësaj të mërkure, 4 nëntor, në qytetin e Durrësit.

Ngjarja ndodhi rreth orës 04:30, në një rrugë dytësore të lagjes nr. 13, ku automjeti me të cilin udhëtonte viktima doli nga kontrolli dhe u përplas me bordurën anësore të rrugës.

Sipas njoftimit paraprak të Policisë, automjeti drejtohej nga shtetasi G. Gj., 39 vjeç, banues në Kavajë.

Përplasja rezultoi fatale për 48-vjeçarin Landi Lila, i cili ndodhej si pasagjer në automjet.

Raportohet se pas aksidentit, drejtuesi i mjetit u largua nga vendngjarja.

Policia ka nisur kërkimet për lokalizimin dhe kapjen e tij, ndërsa grupi hetimor po punon për të përcaktuar shkaqet dhe rrethanat e aksidentit.