Pas fitores me rezultatin e thellë 6-0 ndaj Villarrealit, teknori i Paris Saint-Germain, Luis Enrique, është shfaqur i matur përpara medieve, duke kërkuar të shmangë euforinë e parakohshme pavarësisht demonstrimit të forcës nga skuadra e tij. Trajneri spanjoll vlerësoi lart mentalitetin dhe intensitetin e lartë të lojtarëve gjatë gjithë sfidës, por rikujtoi se rruga drejt finales së Ligës së Kampionëve mbetet ende e gjatë. Ai nëvizoi se skuadra nuk ndryshon filozofinë e saj sulmuese pavarësisht avantazhit, duke ruajtur gjithnjë respektin ndaj kundërshtarit përmes lojës me seriozitet të plotë.

Përgjatë deklaratës së tij, Enrique refuzoi ta krahasonte përbërjen e tanishme me ekipet e tjera elitare që ka drejtuar përgjatë karrierës, megjithëse pranoi se po e shijon maksimalisht punën me këtë grup lojtarësh dhe potencialin e tyre. Duke sjellë në vëmendje edhe përvojat e mëparshme në finale me rezultate të thella, teknori i parizienëve nënvizoi se synimi kryesor mbetet ruajtja e këtij ritmi pa menduar për trofeun përpara kohës.