Presidenti amerikan Donald Trump i ka cilësuar zgjedhjet e mesmandatit në Shtetet e Bashkuara si më të rëndësishmet në historinë e vendit, gjatë një interviste të dhënë për rrjetin mediatik Fox News. Trump deklaroi se administrata e tij ka arritur ta bëjë sërish Amerikën të madhe, duke e rikthyer atë në një fuqi të respektuar në mbarë arenën ndërkombëtare.

Gjatë bashkëbisedimit, kreu i Shtëpisë së Bardhë shoqëroi deklaratat e tij edhe me një batutë lidhur me mbështetjen e tij publike. Ai u shpreh se nëse qytetarët amerikanë do të lodheshin ndonjëherë prej tij, zgjidhja e tij do të ishte shpërngulja drejt Izraelit për të garuar atje për postin e kryeministrit.