Disa orë në arrati pas ngjarjes në Chiari, Brescia dhe pastaj dorëzimi në policinë e Kremonas në Itali. Kjo është ajo që ka ndodhur me djaloshin 21 vjeçar shqiptar, Eduart Xhani i cili u vu në pranga nën akuzën se ka vrarë me thikë nënën e tij 39 vjeçare, Meleqe Lusha.

"Pasi u arratis, i riu u dorëzua te karabinierët në Cremona dhe tani hetimet janë duke vazhduar për të sqaruar rrethanat e vrasjes", tha policia lokale për vrasjen që ndodhi gjatë natës duke gdhirë e marta 3 nëntor në Chiari të Breshias, në Via Tagliata Traversa 2, raporton noa.al.

Sipas hetimeve, djali 21-vjeçar, Eduart Xhani, lindur në San Bonifacio (Verona) Itali, goditi me thikë nënën e tij, Meleqe Lusha, e lindur në vitin 1987, duke e lënë të vdekur në shtëpinë e tyre ku jetonin ata të dy.

Djali jetonte vetëm me nënën e tij. Ata ishin zhvendosur në këtë apartament rreth gushtit, por kishin jetuar në Chiari që kur ai ishte fëmijë.

Ai ishte një djalë i rezervuar, pasi ishte rritur pa baba dhe kishte një pasion të madh për palestrën.

Eduarti ndoqi shkollën e mesme Einaudi në fshat, e specializuar në turizëm. Një djalë jashtëzakonisht i rezervuar, ai u rrit pa baba, me dajat – vëllezërit e nënës së tij – që përpiqeshin ta mbushnin këtë boshllëk.

Eduarti arriti të diplomohej pjesërisht falë ndihmës së mësuesve të tij, të cilët vunë re disa vështirësi familjare, të cilat e kishin çuar në mungesën e tij në shkollë për rreth një muaj. Një pasion i madh ishte palestra, ku ai kalonte pjesën më të madhe të kohës së tij të lirë.

Presidenti i shoqatës shqiptare, Denis Beqiri, në Chiari, tha: "Është një akt i pashpjegueshëm. Ai është një djalë i mirë: familja e tij kishte përjetuar disa vështirësi financiare."

Policia e Komandës Provinciale të Brescias po kryen hetime në apartament. Motivi mbetet për t’u përcaktuar.

Karabinierët e kompanisë Chiari dhe ushtarakët e njësisë hetimore, policia lokale e trafikut, zjarrfikësit dhe 118 automjete, si dhe kryetari i bashkisë Gabriele Zotti, ndërhynë në vendngjarje. Të pranishëm janë edhe katër vëllezërit e Meleqes.

Djali kishte ndjekur shkollën në Chiari dhe tani punonte si punëtor krahu në një fabrikë lokale.

"Ata janë një familje e njohur dhe e integruar mirë në zonë, ku komuniteti shqiptar është i fortë", shpjegon kryebashkiaku Gabriele Zotti.

"Dy vëllezërit e saj punojnë në industrinë e ndërtimit dhe janë punëtorë të palodhur. Si kryebashkiak, jam thellësisht i prekur; qëndroj me të gjithë familjen ndërsa presim që hetimi të hedhë dritë mbi rrethanat. Ky është një episod i pashpjegueshëm që ngre një pikëpyetje të madhe."

Komuniteti shqiptar

Lajmi ka mbërritur edhe në komunitetin shqiptar, i cili tani është i tronditur. "Eduarti është një djalë shumë i mirë, i sjellshëm dhe serioz: një shembull për komunitetin ", thotë i tronditur Denis Beqiri, president i Shoqatës Shqiptare të Chiarit dhe pronar i agjencisë së pasurive të patundshme Alba House.

"Ai ishte gjithmonë i qeshur dhe korrekt: një nga ata fëmijë që do të kishin bërë karrierë", vazhdon ai.

Denis Beqiri e kishte takuar nënën e Eduartit gjatë stazhit të tij: "Ajo është një person i mrekullueshëm, e rriti vetëm me dajallarët e tij, të cilët janë gjithmonë pranë tij. Jemi të shokuar, nuk i dimë arsyet e këtij akti dhe nuk mund ta kuptojmë: por është e pafalshme, ai nuk përfaqëson komunitetin tonë."