MADRID — Futbolli spanjoll është zhytur në zi pas ndarjes tragjike nga jeta të sulmuesit të skuadrës së Tenerifes, Jesús de Miguel, i cili nuk u mbijetoi dëmtimeve të marra gjatë ndeshjes kundër ekipit të Andorrës.

Ngjarja e rëndë ndodhi gjatë minutave shtesë të takimit, kur de Miguel u përplas ashpër me portierin e Andorrës, Owono. Pas goditjes së marrë në kraharor, sulmuesi ra pa ndjenja në fushatën e lojës dhe u transportua me urgjencë në spital, ku mjekët konstatuan arrest kardiak.

Pavarësisht ndërhyrjes së menjëhershme mjekësore dhe shtrimit në repartin e me mjekim intensiv, gjendja e tij shëndetësore u përkeqësua gjatë natës, duke ndërruar jetë mëngjesin e sotëm. Klubi i Tenerifes konfirmoi lajmin përmes një deklarate zyrtare, duke i shprehur ngushëllimet më të thella familjes dhe të afërmve të futbollistit.