KLOS — Një pikë karburanti është grabitur gjatë orëve të para të mëngjesit të sotëm në qytetin e Klosit, në rajonin e Matit, nga dy persona të maskuar.

Sipas të dhënave paraprake nga vendngjarja, autorët kanë kërcënuar punonjësin e shërbimit, ku njëri prej tyre e ka mbajtur atë nën kontroll ndërsa tjetri ka marrë me shpejtësi shumën e parave që ndodhej brenda kasafortës. Menjëherë pas marrjes së parave, dy të dyshuarit janë larguar nga vendi i ngjarjes në drejtim të paditur.

Deri më tani nuk bëhet me dije vlera e saktë e parave të grabitura dhe mbetet e pakonfirmuar se sa me çfarë mjeti janë kërcënuar punonjësit. Forcat e policisë kanë mbërritur në vendngjarje dhe po kryejnë veprimet hetimore për zbardhjen e plotë të rrethanave, këqyrjen e kamerave të sigurisë dhe kapjen e autorëve.