Të paktën 24 persona kanë humbur jetën dhe pesë të tjerë kanë mbetur të plagosur si pasojë e një sulmi ajror rus mbi një qendër të shpërndarjes së ndihmave humanitare në fshatin Komyshuvakha, në rajonin jugor të Zaporizhzhias.

Sipas kreut të administratës rajonale, Mykhailo Semikin, forcat ruse lëshuan të paktën nëntë bomba ajrore të rënda prej 3,000 kilogramësh mbi një shkollë lokale që përdorej për shpërndarjen e ndihmave për banorët e zonës. Presidenti ukrainas, Volodymyr Zelensky, bëri me dije se sulmi u krye me dy valë të njëpasnjëshme, ku goditja e dytë shënjestroi ambientet ku njerëzit po kërkonin strehim pas shpërthimit të parë.

Shërbimi Shtetëror i Emergjencave të Ukrainës (DSNS) konfirmoi se mes viktimave përfshihen edhe dy punonjës të shpëtimit dhe katër oficerë policie. Operacionet e kërkim-shpëtimit u vështirësuan dhe u ndërprenë disa herë për shkak të pranisë së dronëve rusë që fluturonin mbi zonën e goditur, ndërsa dhjetëra persona u raportuan fillimisht të bllokuar nën rrënoja.

Përmes një reagimi publik, Presidenti Zelensky e cilësoi ngjarjen si një akt absolutisht të tmerrshëm, duke theksuar se pala ruse ishte në dijeni të plotë se objekti përdorej çdo javë për furnizimin e civilëve me ndihma humanitare. Sipas liderit ukrainas, ky sulm dëshmon se Rusia refuzon çdo ulje të tensioneve dhe i jep goditje përpjekjeve për të gjetur një rrugëzgjidhje paqësore në konflikt.

An utterly horrific Russian attack on the settlement of Komyshuvakha in the Zaporizhzhia region. Since this morning, the settlement has been hit several times by aerial bombs. The strikes targeted a school used for humanitarian purposes – people were receiving humanitarian aid… pic.twitter.com/T02r0HlNCZ

— Volodymyr Zelenskyy / Володимир Зеленський (@ZelenskyyUa) November 2, 2026