TRIESTE — Një burrë dhe një grua kanë humbur jetën si pasojë e një zjarri me përmasa të mëdha që përfshiu gjatë natës një magazinë të braktisur në zonën e Porto Vecchio në Trieste të Italisë.

Objekti shërbej si një pikë e përkohshme strehimi për emigrantët që mbërrijnë në qytet përmes rrugës ballkanike. Në vendngjarje kanë ndërhyrë forca të shumta zjarrfikëse, polici dhe shërbimet e urgjencës mjekësore. Gjatë operacionit të fikjes së flakëve, zjarrfikësit gjetën brenda godinës dy trupa të pajetë të karbonizuar, ndërsa një pjesë e papafingos së ndërtesës u shemb nga dëmtimet e strukturës.

Ekipet e kërkim-shpëtimit po vijojnë kontrollet në ambientet e djegura për të verifikuar nëse ka persona të tjerë të bllokuar, ndërsa autoritetet italiane kanë nisur hetimet për zbardhjen e shkaqeve të zjarrit dhe identifikimin e dy viktimave.

#Trieste, incendio nella notte in un magazzino al Porto Vecchio: #vigilidelfuoco al lavoro con 2 squadre, durante le operazioni di spegnimento rinvenuti 2 corpi privi di vita. Esclusa la presenza di altre persone coinvolte, intervento concluso poco dopo l’alba con le operazioni… pic.twitter.com/8jHyQIn7Qt

— Vigili del Fuoco (@vigilidelfuoco) November 2, 2026