BALLDREN / MILOT — Fluksi i lartë i lëvizjes gjatë kthimit të fundjavës ka shkaktuar sërish bllokim të rënduar të qarkullimit në aksin rrugor Balldren-Milot.

Kolonat kilometrike të automjeteve dhe pritjet e gjata janë kthyer në një problematikë të përsëritur për drejtuesit e mjeteve që përshkojnë këtë nyje kryesore lidhëse.

Situata e rënduar e trafikut risjell në vëmendje nevojën urgjente për nisjen e punimeve në aksin e ri rrugor Milot-Balldren, një projekt infrastrukturor i shumëpritur që synon lehtësimin e përhershëm të qarkullimit dhe shmangien e vonesave të gjata në këtë korridor të rëndësishëm.