TIRANË, 1 Nëntor 2026 — Policët e kryeqytetit kanë vendosur në pranga 6 persona, kanë proceduar penalisht 3 të tjerë dhe kanë shpallur në kërkim 2 shtetas pas akteve të dhunës të regjistruara gjatë protestës së zhvilluar mbrëmjen e së shtunës në Tiranë.

Sipas njoftimit zyrtar të Policisë së Shtetit, tubuesit kanë sulmuar efektivët me sende të forta, lëndë piroteknike, sfera e vida metalike, si dhe bomba molotov. Gjatë trazirave u bllokua qarkullimi i mjeteve dhe u dogjën disa kosha mbeturinash në akset kryesore.

Mes të arrestuarve nga forcat e rendit përfshihen dy të mitur si dhe një shtetas i huaj:

Të arrestuarit: Shtetasit A. Sh. (26 vjeç), L. K. (18 vjeç), F. Ç. (38 vjeç), K. R. (35 vjeç, shtetas i huaj), si dhe dy të mitur.

Bllokimi i materialeve: Gjatë kontrolleve fizike, shtetasve L. K. dhe A. Sh. u u gjetën dhe u sekuestruan në cilësinë e provës materiale bomba molotov.

Materialet procedurale i janë kaluar Prokurorisë pranë Gjykatës së Shkallës së Parë të Juridiksionit të Përgjithshëm Tiranë. Ndaj personave të përfshirë rëndojnë një sërë veprash të rënda penale:

“Vrasja e punonjësit të Policisë” (e mbetur në tentativë)

“Organizimi dhe pjesëmarrja në grumbullime e manifestime të paligjshme”

“Prishja e qetësisë publike” dhe “Kundërshtimi i punonjësit të Policisë së rendit publik”

“Shkatërrimi i pronës me zjarr” dhe “Pengimi i qarkullimit të mjeteve të transportit”

“Shkelja e rregullave mbi lëndët plasëse” si dhe “Mbajtja pa leje dhe prodhimi i armëve shpërthyese”

Specialistët për Hetimin e Krimit vijojnë punën në bashkëpunim me organin e akuzës për analizimin e pamjeve filmike me qëllim identifikimin e personave të tjerë të përfshirë në aktet e dhunës.

NJOFTIM:

Tiranë / Kundërshtuan dhe goditën me sende të forta, lëndë piroteknike, bomba molotov, sfera dhe vida metalike punonjësit e Policisë, bllokuan qarkullimin dhe dogjën kazanë mbeturinash; arrestohen 6 shtetas, procedohen penalisht 3 të tjerë dhe shpallen në kërkim 2.

Sekuestrohen bomba molotov.

Në vijim të veprimeve hetimore dhe procedurale, të kryera nën drejtimin e Prokurorisë, për dokumentimin ligjor të akteve të dhunës gjatë tubimit të zhvilluar ditën e djeshme, u arrestuan shtetasit:

A. Sh., 26 vjeç, L. K., 18 vjeç, F. Ç., 38 vjeç, K. R., 35 vjeç (shtetas i huaj), si dhe 2 shtetas të mitur.

Gjithashtu, u proceduan penalisht 3 shtetas dhe u shpallën në kërkim 2 të tjerë.

Gjatë kontrolleve, shtetasve L. K. dhe A. Sh. iu gjetën dhe iu sekuestruan bomba molotov.

Specialistët për Hetimin e Krimit, në bashkëpunim me Prokurorinë, vijojnë veprimet për dokumentimin e plotë të veprimeve të kundërligjshme të kryera gjatë tubimit, identifikimin e shtetasve të tjerë të përfshirë dhe vënien e tyre përpara përgjegjësisë ligjore.

Materialet procedurale iu referuan Prokurorisë për veprat penale “Vrasja e punonjësit të Policisë”, e mbetur në tentativë, “Organizimi dhe pjesëmarrja në grumbullime e manifestime të paligjshme”, “Prishja e qetësisë publike”, “Kundërshtimi i punonjësit të Policisë së rendit publik”, “Shkelja e rregullave mbi lëndët plasëse dhe djegëse”, “Pengimi i qarkullimit të mjeteve të transportit”, “Shkatërrimi i pronës me zjarr” dhe “Mbajtja pa leje dhe prodhimi i armëve shpërthyese dhe i municionit