TIRANË, 31 Tetor 2026 — Situata përpara godinës së Kryeministrisë është tensionuar sërish gjatë orëve të mbrëmjes, teksa protestuesit janë ribashkuar në bulevard vetëm pak minuta pasi u shpërndanë nga forcat e rendit.

Marshimi i riorganizuar i turmës i është drejtuar sërish selisë së ekzekutivit, ku dëgjohen thirrjet e përsëritura “Rama, jep dorëheqjen!”. Për të parandaluar afrimin e protestuesve drejt hyrjes kryesore të godinës, Policia e Shtetit ka vendosur një perimetër të rreptë sigurie përmes kordonit të efektivëve.

Përplasja u intensifikua pasi protestuesit refuzuan udhëzimet e policisë për t’u zhvendosur mbi trotuar dhe vazhduan të tentonin kalimin drejt Kryeministrisë. Përballë kësaj rezistence, forcat e policisë ndërhynë duke përdorur spraj me piper për të neutralizuar turmën dhe për të zmbraqur protestuesit nga perimetri i mbrojtur.