KLOS — Tre aksidente rrugore janë regjistruar brenda një harku kohor prej vetëm 30 minutash në fshatin Fshat të Bashkisë Klos, përgjatë aksit rrugor që lidh rrethin e Matit me Rrugën e Arbrit.

Përplasja e parë ndodhi pranë rrethrrotullimit të Rrugës së Arbrit, ku automjeti i llojit “Volvo” që udhëtonte në drejtim të Klosit është përplasur me një mjet tip “Benz” që lëvizte drejt Tiranës.

Si pasojë e përplasjes së fortë, një grua ka mbetur e plagosur rëndë dhe është transportuar me urgjencë drejt spitalit të Burrelit për ndihmë mjekësore.

Vetëm 500 metra më tutje nga vendngjarja e parë u regjistrua edhe aksidenti i dytë, ku një automjet tip “Toyota” u përplas me një kamion që udhëtonte drejt kryeqytetit.

Nga verifikimet paraprake dyshohet se mjeti i vogël ka rrëshqitur në rrugë duke kaluar në korsinë e kundërt, çka solli dëmtime të shumta në pjesën e përparme të automjetit dhe hapjen e jastëkëve të ajrit.